Sa ilalim ng takip ng gabi, isang nakamaskarang samurai ang pumapatay ng limang lalaki sa iba't ibang bahagi ng Japan: tatlo sa Tokyo, isa sa Osaka, at ang huli sa Kyoto. Sa kanilang imbestigasyon, natuklasan ng pulisya na ang bawat biktima ay miyembro ng Genjibotaru—isang grupo ng mga magnanakaw na kilala sa pagnanakaw ng mga estatwa at artipakto ng Budismo, at gumagamit ng mga pangalan ng mga tagasunod ni Minomoto no Yoshitsune. Walang malinaw na motibo o palatandaan kung sino ang susunod na target, kaya tila baga nabalaho ang kaso—hanggang sa isang templo sa Kyoto ang humiling ng tulong mula sa kilalang detektib na si Kogorou Mouri. Nakatanggap kasi ang templo ng isang hindi pinangalanang sulat na may kakaibang palaisipan, at umaasa ang mga monghe na matutulungan sila ni Mouri upang mahanap ang matagal nang nawawalang estatwa. Samantala, nagsanib-puwersa sina Conan Edogawa at ang high school detective na si Heiji Hattori upang lutasin ang misteryosong palaisipan at mahuli ang mamamatay-tao. Sa paghahanap din ni Hattori sa kanyang unang pag-ibig, ginamit nila ang kanyang kaalaman sa Kyoto upang halughugin ang lungsod at unti-unting mabunyag ang katotohanan. Ngunit bago pa man nila matapos ang kaso, muling umatake ang mamamatay-tao—pumatay ng isa pang miyembro ng Genjibotaru at paulit-ulit na tinangkang patayin si Hattori, hanggang sa tuluyan nang dukutin ang kanyang iniibig. Tanging sa pagtutulungan nina Conan at Hattori at sa pagbubunyag ng mga matagal nang nakatagong ebidensya nila mapipigilan ang karahasan ng ligaw na samurai at maililigtas ang pag-ibig ni Hattori.
Release: Apr 19, 2003
Movie
Genre: Adventure, Comedy, Shounen, Mystery
PG13
